Um okkur
HS Management er nútímaleg umboðsskrifstofa sem einblínir á að styðja leikmenn og þjálfara í næstu skrefum á ferli sínum – með skýrri sýn, gagnsæi og persónulegum stuðningi.
Við vinnum náið með íþróttafólki til að greina réttu tækifærin og styðja það í gegnum allt ferlið, ekki aðeins í gegnum félagaskipti. Nálgun okkar er heildræn: auk umboðsþjónustu bjóðum við upp á persónulegan stuðning á sviðum eins og styrktarþjálfun, næringarleiðsögn og andlega þjálfun.
Hvort sem þú ert ungur íþróttamaður að hefja ferilinn eða félag sem leitar að rétta leikmanninum eða þjálfaranum, þá býður HS Management upp á markvissa og persónulega þjónustu byggða á trausti og langtímahugsun.
Ég heiti Halldór, tveggja barna faðir og stofnandi HS Management. Ég hef yfir 15 ára reynslu úr atvinnuhandbolta – sem þjálfari, stjórnandi og við langtímaþróun leikmanna – ég hef starfað á hæsta stigi íþróttarinnar bæði á Íslandi og í Noregi.
Ég er með meistaragráðu í íþróttafræðum frá Háskóla Íslands og B.Sc. gráðu í íþróttafræðum frá Háskólanum í Reykjavík, auk þess að hafa lokið European Master Coach – Pro License hjá Handknattleikssambandi Evrópu. Ég hef stýrt afreksliðum, verið landsliðsþjálfari yngri landsliða og tekið virkan þátt í stefnumótun og leiðtogaþjálfun leikmanna og þjálfara.
Það sem drífur mig áfram er að hjálpa íþróttafólki að finna sína leið – ekki bara í gegnum samninga, heldur með heildrænum stuðningi. Ég og teymið mitt hjá HS Management leggjum mikla áherslu á einstaklingsmiðaða þjónustu sem nær yfir líkamlega þjálfun, næringarleiðsögn og andlegan undirbúning – allt með það að markmiði að hjálpa hverjum og einum að ná árangri innan sem utan vallar.
HS Management er meira en umboðsskrifstofa – þetta er langtímasamstarf byggt á trausti.